ПСВ Ајндховен е последниот осминафиналист во Лигата на шампионите кој успеа да избори пласман после успех во плејоф рундата. Холандскиот тим по продолженија го победи Јувентус на домашен терен со 3-1 и ја надомести негативата од 1-2 од првиот меч во Торино.
Стрелец на голот кој го одведе ПСВ во осминафиналето беше Фламинго во 98.минута од мечот.
Во регуларниот тек, ПСВ славеше со 2-1. Перишиќ во 53.минута донесе водство за домаќинот, а израмни Тимоти Веа десет минути подоцна. Сепак, Саибари во 74.минута погоди за 2-1 и за продолженија, во кои холандскиот тим постигна уште еден гол и се пласира во осминафиналето од елитното европско клупско натпреварување.
Јувентус е елиминиран во плејоф рундата и нема да биде дел од осминафиналните пресметки, исто како и Аталанта и Милан.
