Унгарскиот фудбалер Барнабас Варга се чувствува многу подобро откако му беше извршен хируршки зафат и санирани се неговите повреди на лицето со кои се здоби на натпреварот против Шкотска, по жестокиот судир со противничкиот голман.
Во посета во клиниката во Штутгарт денеска му беа селекторот Марко Роси и соиграчите, а тој позираше со кренат палец, ставајќи до знаење дека сега се чувствува одлично. Најверојатно Варга во текот на утрешниот ден ќе биде отпуштен од клиниката и ќе добие дозвола да замине на домашно лекување.
