Мегадуелот во Ла Лига и веројатно најголемото европско дерби, пресметката меѓу Реал Мадрид и Барселона ќе го суди друг судија. Матеу Лахоз пријави повреда пред утрешниот натпревар, а веднаш е делегиран Хесус Хил Мансано како негова замена.
Претходно, ваква замена е направена и во сезоната 2014/15, а триумфирал Реал Мадрид со 3-1.
Хил Мансано досега во кариерата има судено 31 натпревар на „кралевите“ и тимот има остварено 25 победи, три ремија и има три порази. Барселона од 20 меча под водство на Мансано има 11 победи, пет ремија и четири порази.
