Проблем за Арсенал, ќе мора без капитенот против Тотенхем?

Капитенот на Арсенал, Мартин Одегард, се здоби со повреда на скочниот зглоб на настапот за националниот тим. Норвешка ја победи Австрија со 2-1, а на средината на вториот дел Одегард мораше да го напушти теренот поради повреда.

Тој во текот на денешниот ден ќе биде во Лондон на детални медицински прегледи.

Арсенал веќе е без Деклан Рајс, кој заработи црвен картон во минатото коло против Брајтон, а тимот на Микел Артета викендов гостува кај големиот ривал Тотенхем.