Францускиот напаѓач Килијан Мбапе од претстојната сезона ќе игра за Реал Мадрид, изјави претседателот на шпанската фудбалска лига Хавиер Тебас во интервју за аргентинскиот весник „Оле“.
„Мбапе следната сезона ќе игра за Реал Мадрид. Тој е еден од најдобрите играчи во светот, но Реал Мадрид ги има и Џуд Белингам и Винисиус Жуниор. Ќе имаат одличен тим, но тоа не ја гарантира шампионската титула“, коментира Тебас.
На 10 мај Мбапе официјално објави дека по завршувањето на првенството ќе го напушти Пари Сен Жермен.
25-годишниот фудбалер игра за францускиот шампион од сезоната 2017/18. Како дел од парижаните, фудбалерот стана петкратен шампион на Лига 1, трикратен победник на националниот Куп и Суперкупот, како и двапати го освои Лига купот на Франција.
Со француската репрезентација, Мбапе триумфираше со титулата на Светското првенство во 2018 година.
Мадридскиот спортски весник „Марка“ објави дека Килијан Мбапе ќе потпише договор со Реал Мадрид до крајот на сезоната 2028/29.
