Претседателот на Баерн Минхен, Херберт Хајнер, изјави дека сите во клубот се многу задоволни од работата на главниот тренер Венсан Компани. По разделбата со Томас Тухел, баварците изненадувачки се одлучија за младиот тренер, под чија палка Барнли испадна од Премиер – лигата. Сепак, Компани започна силно како предводник на Баерн и досега тимот има само победи.
„Кога преговаравме со Компани, тој ни кажа дека сака Баерн да игра убав и напаѓачки фудбал, со многу голови. Сепак, тој нагласи дека не може сè да се случи веднаш. Сигурно ни се допаѓа стилот кој го воведува Венсан“, изјави Хајнер.
„Пријатно е да се гледа играта на тимот. Способни сме да постигнеме и пет или шест голa, дури и кога водиме убедливо. Има конкуренција и секој фудбалер знае дека мора да се труди и да се докажува постојано, да биде активен. Секако, најголемата заслуга за тоа е на тренерот“, додаде Хајнер.
Баерн Минхен денеска на „Алијанц арена“ го пречекува актуелниот шампион Баер Леверкузен во дербито на колото во Бундес-лигата.
