Луѓето од менаџерскиот тим на Серхио Агуеро се оптимисти дека играчот ќе може да се врати на фудбалските терени откако ќе го помине неговиот третман. Аргентинецот сè уште е во болница и останува во добро расположение, тврди “Диарио Спорт”.
И покрај тоа што помина само неколку месеци во Барселона, Агуеро веќе ја освои соблекувалната. За потсетување, Аргентинецот треба да оди на тримесечен третман за да се утврди кога ќе може да се врати на тренинзите.
На 33-годишникот наводно му била дијагностицирана срцева аритмија. Досега, Агуеро имаше одиграно пет натпревари за каталонците и постигнато еден погодок.
