Фудбалската репрезентација на Македонија го загуби натпреварот против Романија во Букурешт на стартот од квалификациите за СП 2022 во Катар. Но, прикажа добра игра, а недостигаше ефикасност и малку повеќе среќа во завршницата.
И покрај поразот, фудбалерите ќе поделат премија од 40.000 евра поради добрата игра, но и како стимул за понатамошниот тек од квалификациите. Тоа беше премијата што ФФМ ја одреди за реми против Романија во Букурешт, а за евентуален триумф беше двојно поголема. Раководството на ФФМ одлучи да ја исплати премијата од 40.000 евра и покрај поразот.
