На почетокот на оваа седмица, Алан Ширер и Тиери Анри станаа првите двајца членови кои беа примени во инаугуративната “Куќа на славните” на Премиер – лигата. Според англиски “Мирор”, легендата на Манчестер Јунајтед, Рајан Гигс требало да биде на списокот, но во последен момент бил заменет со Французинот.
Се верува дека причината за ова се неодамнешните проблеми на Велшанецот со законот, вклучувајќи ги кривичните пријави за наводен напад врз две жени.
Постои уште еден потесен список со 23 поранешни фудбалери од кои само шест ќе влезат во “Куќата на славните”, но името на Гигс не се спомнува ниту таму.
