Поразот од Челзи (1-4) беше прв за Тотенхем од почетокот на сезоната во Премиер – лигата. Тимот го заврши натпреварот со деветмина играчи и не успеа да се вратат на врвот на табелата, но менаџерот на тимот Анге Постекоглу ги пофали играчите за нивниот карактер.
„Тешко е да се прифати таков натпревар. Разочаран сум од резултатот, но горд на играчите. Дадоа сѐ од себе и тоа е многу позитивно. Бевме блиску до израмнување во неколку наврати, што доволно кажува за нашата волја“, изјави Постекоглу.
„Добро го започнавме натпреварот, постигнавме убав гол и бевме неколку сантиметри од вториот. Првиот црвен картон го смени текот на натпреварот. Судиите внимателно ја разгледаа ситуацијата, па морам да ја прифатам нивната одлука. Неколку пати само стоев и чекав што ќе одредат судиите“, продолжи Австралиецот.
„Не ми се допаѓа тоа што во модерниот фудбал секоја контроверзна епизода е подложена на речиси форензичко вештачење. Можеби некои ги одобруваат овие паузи, но јас би сакал да играме повеќе фудбал, изјави Постекоглу.
