Денес е „најлудиот“ ден во годината, последниот ден од летниот фудбалски трансфер пазар во најголемите Топ 5 лиги. Се очекува реализација на неколку големи трансфери.
Виктор Осимен
Изгледа дека ќе биде или Челси или Ал Ахли, нема трета опција. Проблемот е понудата и побарувачката, но сè може да се реши со желбата на играчот кој би сакал повеќе да оди во Лондон. Нигериецот бара и висока плата, па прашање е дали Челси ќе може да се натпреварува со Арапите.
Џејдон Санчо
И тука е во приказната Челси, но и Јувентус. Манчестер Јунајтед го преценил својот играч, но ако сака да се ослободи од него, се очекува да ја намали цената. Не е невозможно да прифатат нова позајмица со откуп, во тој случај Јувентус би имал предност, но ништо не е завршено.
Кингсли Коман
Уште еден што бира помеѓу Англија и Саудиска Арабија. Се споменува дека би можел да биде изненадување за Арсенал. Микел Артета сака да ја зајакне конкуренцијата во нападот, Коман може да игра и на левото и на десното крило, има искуство, а кога не е повреден, прави разлика и звучи како големо засилување. Баерн е подготвен да го продаде. Арапите исто така чекаат, поточно, Ал-Хилал, азискиот Манчестер Сити.
Рахим Стерлинг
Тој го напушта Челси, но никој не знае каде би можел да замине. Се споменуваше размена за Санчо, но Манчестер Јунајтед не покажал интерес, а ни Стерлинг не сака така лесно да се откаже од својата голема плата. Се верува дека ќе остане во Премиер – лигата, многу е можно да биде позајмен, бидејќи преостанува малку време за целосен трансфер. Можеби Астон Вила или Њукасл?
Бен Чилвел
Уште едно големо име што не е во плановите на Челси. Наводно вчера го контактирал Брентфорд, додека Манчестер Јунајтед исто така одбил да го ангажира. Останување во Премиер – лигата изгледа како најреална опција.
Адриен Рабио
Тој е слободен и практично може да потпише и по завршувањето на трансферниот рок, но тоа е посложена приказна. Французинот сонуваше за Премиер – лигата, конкретно за Манчестер Јунајтед, но Ерик тен Хаг сите сили и средства ги насочи кон Мануел Угарте кој денес пристигна во Манчестер. Челси е пополнет, Арсенал исто така, не е сигурно дали би се вклопил во системот на Слот со два дефанзивни играчи од средината на теренот… Барселона беше опција, но Каталонците немаат простор да го регистрираат.
Мистериозно засилување на Ливерпул
Кој би можел да ги засили „црвените“? Само еден трансфер на Федерико Киеза е нешто што навивачите најмалку го очекуваа. Потребен им е и стопер и дефанзивен играч од средниот ред. Вчера повторно се спомна Алан Варела од Порто, но Џејмс Пирс брзо им ја уништи надежта на навивачите со порака дека нема ништо од тоа. Сè уште веруваме дека Ливерпул работи на некое засилување зад сцената.
Дани Себалјос
Овој трансфер е интересен, бидејќи неговото заминување значи дека Реал Мадрид ќе се вклучи на трансфер пазарот во последен момент. Себалјос сака да се врати во Бетис, има и понуда од Саудиска Арабија и не сака да седи на клупата на Реал Мадрид. Мадриѓаните тврдат дека Реал сигурно ќе доведе замена ако замине Себаљос, но имиња не се споменуваат.
