Србија и Португалија имаа возбудлива пресметка во Белград играјќи 2-2. Диого Жота беше двоен стрелец за Португалците во првиот дел, во 11. и во 36.минута. Но, Србија возврати во второто полувреме.
Александар Митровиќ намали во 46.минута, а Филип Костиќ во 60.минута израмни на 2-2. Во финишот, Роналдо мислеше дека постигна погодок, топката се чини дека ја мина гол – линијата, но, сепак, судијата не покажа на центар.
Чешка ремизираше (1-1) против Белгија. Лукаш Провод во 50.минута ја доведе домашната селекција во водство, а Ромелу Лукаку израмни десет минути подоцна.
Луксембург направи изненадување со триумфот (0-1) на гости во Даблин против Ирска, а Словачка и Малта ремизираа, 2-2.
