По петте победи во францускиот шампионат, дојде малку потешка задача за ПСЖ и за Маурисио Покетино. Не блескаа „светците“ против Клуб Бриж во Лигата на шампионите и освоија само бод во Белгија играјќи 1-1.
Маурисио Покетино не е задоволен ниту од играта, ниту од резултатот.
„Направивме премногу грешки. Немавме добра вечер, мораме да продолжиме да работиме. Ќе се обидеме да играме подобро и подобро. Имаме одлични фудбалери, но допрва треба да се создаде тимската хемија“, изјави Покетино.
