Економатот ја заврши на врвен начин својата работа и во Дуисбург. Дресовите наредени под конец ги очекуваат фудбалерите во соблекувалната, тука се и сите неопходни други услови како и пред секој натпревар. За околу половина час и Горан Пандев и соиграчите ќе пристигнат на арената во Дуисбург, ги очекува можеби најголемото искушение – пресметката против четирикратниот светски првак Германија.
Македонија посакува чудо, нема да биде лесно тоа да се оствари, но македонските репрезетативци многупати покажале дека можат да се надигруваат и со најдобрите. Селекцијата на Јоаким Лев дефинитивно спаѓа во тој ранг.
