Дејан Станковиќ победи со Црвена Звезда во „вечното дерби“ против Партизан, а би можел и да замине од српскиот првак. Од Италија доаѓаат најави дека тој е еден од најсериозните кандидати за нов тренер на калчолигашот Сампдорија. Наводно, Станковиќ веќе имал состанок и со претседателот на Сампдорија, Масимо Фереро, и треба да биде наследник на Клаудио Раниери.
Сампдорија се наоѓа на десеттата позиција на табелата во Серија А со 36 бода и речиси го осигура опстанокот за оваа сезона, а Дејан Станковиќ треба да го преземе тимот од почетокот на новиот шампионат.
