Англискиот премиерлигаш Манчестер Јунајтед подготви нов договор за левиот бек Лук Шо. Тој игра одлично во дресот Англија на Европското првенство и раководството на „црвените ѓаволи“ сака да го награди со подобри услови.
25-годишниот фудбалер кој ја покрива левата странична позиција се мачеше со повреди, но сега е максимално подготвен и покажа дека може да игра неверојатно добро. Шо запиша три асистенции во елиминациската фаза на ЕВРО.
Манчестер Јунајтед сака да ја продолжи соработката со англискиот репрезентативец до 2025 година и значително да ја зголеми неговата годишна плата.
