Младиот италијански тренер Андреа Пирло, кој е без работа од минатото лето откако беше сменет во Јувентус, би можел да ја продолжи кариерата во Брага и да го наследи Карлос Карвахал, пренесува португалскиот весник „А Бола“.
Брага сезонава оствари добар резултат во Европа и покрај тоа што на крајот на минатата година беше поразена на домашен терен од Црвена звезда во решавачкиот натпревар од групната фаза на Лига Европа за пласман во елиминациската рунда.
„А Бола“ пренесува дека Пирло ја разгледува можноста од лето да го наследи Карвахал на клупата на португалскиот тим, а доколку ја прифати понудата, ќе биде првиот странски тренер на клупата на Брага од сезоната 2002/2003, кога Шпанецот Фернандо Кастро Сантос седеше на клупата.
Првата тренерска работа Пирло ја доби на крајот на летото 2020 година, кога доби шанса во Јувентус на местото на Маурицио Сари.
Интересно е што Пирло не играше во странство како играч, па ова би бил негов прв ангажман надвор од Италија во светот на фудбалот.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski