Тренингот на Милан пред гостувањето кај Борусија Дортмунд во Лигата на шампионите помина на прилично интересен начин, пишува „Газета дело Спорт“.
По првите 15 минути, кои беа отворени за медиумите, тренерот на „росонерите“, Стефано Пиоли, ги натерал играчите да тренираат во базата пуштајќи ги навивачките песни на Борусија Дортмунд.
Целта на иновативниот метод е играчите да се прилагодат на атмосферата што ги очекува на еден од најжешките стадиони во Европа, „Сигнал Идуна Парк“.
Мечот меѓу Борусија и Милан се игра утревечер во Дортмунд.
