Пет години без Јохан Кројф, човекот кој го промени фудбалот

На 24 март 2016 година замина на некое поубаво место, но на светот му ја остави модерната филозофија за фудбалската игра. Холандскиот романтичар кој внесе шарм и неверојатна убавина во фудбалот, успеа да го промени засекогаш, да го направи поубав и подинамичен. Играше со леснотија, а потоа и како тренер го форсираше таквиот стил.

„Фудбалот е едноставна игра, но најтешко е да се игра едноставно. Пред да направам грешка, јас ја немам направено таа грешка“, велеше Јохан Кројф.

Го напушти светот пред пет години, неговата животна и фудбалска филозофија ќе се памети вечно.