Македонскиот прволигаш Пелистер со победа ја отвори серијата пријателски натпревари во текот на зимските подготовки. Биотолчани на денешното гостување во Корча остварија триумф (2-3) над албанскиот тим Деволи.
Тимот на Димитар Капинковски покажа ефикасност, но во продолжение од подготовките ќе треба да се посвети внимание на подобрување на дефанзивата.
Беласица славеше против Плачковица со 3-0. Бесар Гуџуфи беше двоен стрелец за составот на Ѓоре Јовановски, а и Коцев се запиша во листата на стрелците.
Кожуф ремизираше против Вардар Неготино играјќи 2-2.
