Проблемите на Пелистер само се заголемуваат. Покрај маките со очајното бодовно салдо и последната позиција на табелата, како и „обезглавениот“ стручен штаб по оставката на Димитар Капинковски, се намалува и ростерот.
Пелистер до крајот на сезоната нема да може да смета на интернационалецот од Гана, Принц Ампонсах. Тој сериозно се повреди откако ја скина тетивата и го очекува оперативен зафат и долга пауза. Напаѓачот ќе биде надвор од терените до крајот на сезоната.
