Пелистер ги почна подготовките: Мисијата е јасна, враќање во елитата

Македонскиот второлигаш Пелистер денеска ги почна подготовките за новата сезона. Мисијата е јасна, враќање во прволигашка конкуренција.

Тренерот Марјан Секуловски ја изврши првата прозивка, а потоа фудбалерите имаа тренинг на стадионот „Петар Милошевски“.

Спортскиот директор на клубот, Ванчо Мицевски, им посака многу среќа на фудбалерите, а раководството ќе продолжи со активностите во летниот преоден рок. Засега се уште не е комплетиран целиот ростер на тимот за новата сезона.

„Зелено-белите“ од 16 јули почнуваат со контролни натпревари.