Македонскиот прволигаш Академија Пандев ја заокружи втората фаза од подготовките и од денеска се наоѓа во бугарскиот туристички центар Банско. Таму ќе биде реализирана главната фаза од подготовките. Составот на Александар Васоски ќе одигра неколку пријателски натпревари низ кои ќе ја темпира формата за почетокот на новиот шампионат.
Во редовите на Академија Пандев има и неколку фудбалери на проба, а натпреварите ќе треба да покажат дали ќе останат и ќе потпишат договор. Вчера, тимот ремизираше 1-1 против Детонит, а единствениот гол го даде арегентинскиот интернационалец Нико кој е на докажување меѓу „пандевци“.
