Капитенот на македонската фудбалска репрезентација Горан Пандев ја живее својата втора фудбалска младост. Десет години откако со Интер стигна до тројна круна и беше на зенитот од кариерата, тој се уште игра на врвно ниво и на теренот се однесува како момче кое сака да се докаже на секој нареден натпревар. Ова го вброи во друштво со најголемите легенди на фудбалската игра, како Кристијано Роналдо, Златан Ибрахимовиќ, Серхио Рамос.
Пандев се најде меѓу 20-те најдобри фудбалери во светот кои имаат над 34 години, а се уште играат фудбал на елитно ниво. На првото место е Кристијано Роналдо, веднаш зад него се Златан Ибрахимовиќ и Серхио Рамос, следуваат Давид Силва и Фернандињо. Во првата „десетка“ се и Тијаго Силва, Един Џеко, Оливие Жиру, Бурак Јилмаз, Џејмс Милнер…
Горан Пандев во овој избор се наоѓа на 17. позиција.
