Најдобриот македонски фудбалер Горан Пандев, можеби малку и изненадувачки, во последниот ден од зимскиот преоден рок ја напушти Џенова и се пресели во Парма. Се согласи да игра во Серија Б на залезот од кариерата, а дебитираше на дуелот против Беневенто.
Тој вели дека Парма го привлекла со својата богата фудбалска историја.
„Парма е тим со голема историја. Амбиентот во градот е прекрасен исто така и стадионот на кој ги играме натпреварите. Ова се причините поради кои одбрав да дојдам тука. Среќен сум“, изјави Пандев.
