Фудбалската репрезентација на Македонија има нов предизвик, квалификации за Светското првенство во Катар 2022 година, а и во него ќе ја предводи капитенот Горан Пандев. „Гранде“ има нова желба со националниот тим, да игра пред полни трибини против Германија на арената „Тодор Проески“.
„Би сакал да играм со Германија во Скопје пред полни трибини. Оваа генерација пред себе има и Европско првенство, но и шанси за добри квалификации и напад на второто место во оваа група“, вели капитенот на националниот тим.
Квалификациите за СП 2022 ќе стартуваат во март идната година.
