Панчев и Најдоски пред 29 години станаа светски клупски прваци со Црвена Звезда (ВИДЕО)

Македонските фудбалски легенди Дарко Панчев и Илија Најдоски на денешен ден пред 29 години ја освоија светската клупска титула со Црвена Звезда. Во финалниот дуел во Токио, Црвена Звезда беше доминантна против чилеанскиот тим Коло Коло и го совлада со 3-0.

Дарко Панчев беше стрелец на третиот гол за Црвена Звезда во 72.минута, а претходно два гола постигна Владимир Југовиќ кој беше прогласен и за најдобар играч на натпреварот. Илија Најдоски го крена пехарот за победникот.