Османи го остави Радески на клупата: Струга ТЛ го напаѓа Пјуник со Кехинде и со Ибраими (ФОТО)

Тренерот на Струга ТЛ, Ќатип Османи, го одреди стартниот состав за мечот против Пјуник во Ереван, кој стартува во 18 часот.

На голот е Дујмовиќ, во одбраната се Влајковиќ, Радич и Кривањева. Средниот ред го сочинуваат Спировски, Касами, Ристевски, Укпа и Шабани, а во нападот се Кехинде и Бесарт Ибраими.

Радески остана на клупата за резерви, а Јевтоски воопшто не е во записникот за овој меч.

Натпреварот се игра од 18 часот на стадионот „Вазген Саргсјан“ во Ереван, а Струга ТЛ има предност од 2-1 по првиот натпревар во Охрид.

Победникот од овој двомеч во третата рунда се среќава со подобриот од двомечот меѓу Диферданж и Ордабаси.