Нигерискиот напаѓач Виктор Осимен, изненадувачки, ќе игра во Турција оваа сезона. Откако му пропаднаа преговорите за трансфер во ПСЖ, Челси, а потоа и во Саудиска Арабија, се појави можност тој да дојде на позајмица во Галатасарај.
Се се одвиваше експресно, со оглед дека Наполи не смета на него за претстојната сезона, па тој веќе пристигна во Истанбул да го потпише договорот.
Се разбира, доаѓањето на Осимен предизвика неверојатна еуфорија кај фановите на Галата. Тие се надеваат дека Осимен би можел да ја одигра клучната улога за одбрана на шампионската титула во Турција.
