Францускиот напаѓач Оливие Жиру и бразилскиот дефанзивец Тијаго Силва остануваат во Челси и следната сезона. Иако имаше најави дека Жиру ќе се пресели во Италија и ќе го носи дресот на Милан, сепак, уште во април Челси ја искористил клаузулата во неговиот договор за продолжување на соработката. Тој останува на „Стемфорд бриџ“ и следната натпреварувачка година.
„Фудбалскиот клуб Челси може да потврди дека во април оваа година е реализирана опцијата за продолжување на договорот на Оливие Жиру на уште една година“, соопштија од Челси.
Тијаго Силва исто така ќе остане и следната сезона во клубот, а тренерот Томас Тухел по освојувањето на титулата во ЛШ доби договор до 2024 година.
