Официјално: Методи Максимов потпиша за ЛАСК, една година ќе игра за Алесунд

Младинскиот репрезентативец и досегашен член на Шкендија, Методи Максимов, наптрави трансфер во австрискиот прволигаш ЛАСК. Тој потпиша договор на 4,5 години, а првата сезона ќе биде отстапен во норвешкиот второлигаш Алесунд. Шкендија го задржа правото и за 5% од идниот трансфер на Максимов.

Одличниот десен бек одигра квалитетно во дресот на Шкендија по доаѓањето од Работнички и многу брзо прави трансфер надвор од Македонија.

Тој ќе биде член на ЛАСК, третопласираниот тим во првенството на Австрија, но веднаш ќе оди на позајмица во норвешкиот второлигаш Алесунд.