Со заминувањето на Зинедин Зидан и доаѓањето на Карло Анчелоти во Реал Мадрид, може да дојде до позитивна промена на статусот на Мартин Одегард. На тоа се надева и норвешкиот интернационалец кој конечно сака да се докаже на „Сантијаго Бернабеу“.
Оваа сезона треба да добие шанса во првиот тим, но и покрај тоа се пишуваше дека би можел да ги напушти редовите на Реал Мадрид и да се врати во Арсенал.
Но, фудбалерот ги демантира овие најави и потврдува дека сака да остане во „кралскиот клуб“.
Одегард сака да остане во Реал Мадрид и да стане важен играч, ќе му биде многу тешко, но фактот што Анчелоти се врати ќе му значи многу во наредниот период.
