Одегард потпиша нов договор со Арсенал и стана најплатен играч во тимот

Норвешкиот интернационалец Мартин Одегард го продолжи договорот со Арсенал до 2028 година. Тој според новите параметри ќе стане најплатен фудбалер во тимот на Арсенал.

Капитенот досега заработуваше 120.000 фунти неделно, а сега ќе го помине Каи Хаверц, кој по трансферот од Челси беше најплатен во тимот со годишна плата од 20 милиони евра.

Одегард пристигна во Арсенал од Реал Мадрид за 35 милиони евра. За „топџиите“ има одиграно 112 натпревари, постигна 27 голови и забележа 15 асистенции.