Раководството на Њукасл ја одби првата понуда на Баерн Минхен за десниот бек Киран Трипие. Баварците постигнале договор со 33-годишниот бек, но немаат договор со англискиот премиерлигаш.
Желбата на Англичанецот е кариерата да ја продолжи на „Алијанц Арена“. Сепак, има уште еден услов за тоа да се случи. Баварците мора конечно да се откажат од намерата да го привлечат Норди Мукиеле од ПСЖ. Французинот е прва опција за германскиот шампион за нов десен бек, но преговорите со ПСЖ одат тешко.
Тренерот на Баерн, Томас Тухел, сака неговиот тим да се засили со нов десен бек. На располагање го има само Нусаир Мазрауи, а таму по потреба дејствува и Конрад Лајмер.
