Во италијанскиот првак Јувентус ќе има многу промени по завршувањето на оваа сезона. Неизвесно е дали Андреа Пирло ќе остане на клупата, но едно е јасно, тимот ќе има нов капитен. Причината е заминувањето на Џорџо Кјелини во пензија.
Логично би било неговиот партнер во одбраната Леонардо Бонучи да ја добие капитенската лента, но тоа нема да се случи затоа што тој падна на испитот на верноста кон клубот кога направи трансфер во Милан.
Италијанскиот весник „Тутоспорт“, кој важи за близок до Јувентус, открива дека нов капитен ќе биде Матијс де Лихт. Тој се наметнувал сериозно како лидер на теренот, но и во соблекувалната.
Пауло Дибала, кој е подолго во клубот од Де Лихт, многу веројатно ќе го напушти Јувентус во летниот преоден рок.
