Француската ѕвезда Антоан Гризман се враќа во Атлетико Мадрид. Ова е нов фудбалски земјотрес во Шпанија откако претходно Лионел Меси мораше да замине во Пари Сен Жермен.
Навивачите токму Гризман го обвинија за заминувањето на Меси, неговата плата премногу го оптовари буџетот за плати, па на крајот Хоан Лапорта се согласи да го испрати на позајмица во Атлетико Мадрид. Во договорот има опција за целосен откуп.
Барселона го побара Жоао Феликс да дојде на позајмица на “Камп Ноу”, но фудбалерот тоа го одби. Сега Барселона се обидува да го доведе Лук де Јонг од Севилја.
