Младата ѕвезда на Барселона, Ансу Фати, ќе мора повторно да замине на операција на коленото и сезоната за него е завршена. Оваа информација дојде како шок во редовите на Барселона, посебно откако каталонскиот тим сериозно се вмеша во битката за шампионската титула по серијата победи во Ла Лига. Сега Барселона заостанува четири бода зад лидерот Атлетико Мадрид.
Ансу Фати ќе мора да ја санира повредата на менискусот со нов хируршки зафат. Опоравувањето од повредата не оди според планот, а лекарите процениле дека Ансу Фати ќе мора на нова операција. 18-годишниот фудбалер сега се надева дека ќе успее да се опорави до Европското првенство иако не е сигурно ниту дали би добил повик од селекторот Луис Енрике. Пред повредата, Фати одигра меч за „црвената фурија“ против Украина во триумфот од 4-0.
