Марко Верати повторно е повреден. Иако е еден од најдобрите фудбалери за врска во светот кога е во врвна форма, сепак Марко Верати премногу често се повредува. Италијанецот заработи повреда на колкот на дербито против Олимпик Марсеј.
ПСЖ нема проблем да ги победува сите ривали во првенството и без дел од најдобрите играчи, но нема да биде така лесно во Лигата на шампионите.
Верати по најновата повреда ќе мора да паузира околу еден месец. Ќе го пропушти гостувањето кај Лајпциг во Лигата на шампионите.
Во Франција, ПСЖ е лидер на табелата со 28 бода, седум повеќе од Ленс и девет од Ница.
