Играчот од средниот ред на Манчестер Јунајтед, Кашемиро ќе го пропушти саботното гостување кај Фулам во англиската Премиер – лига поради повреда, објави менаџерот Ерик тен Хаг.
Репрезентативецот на Бразил заработи повреда при синоќешниот пораз од Њукасл (0-3) во Лига купот и беше принуден да го напушти теренот.
„Тој ја заработи повредата непосредно пред полувремето. Затоа морав да го заменам. Ќе чекаме 24 часа, но тој дефинитивно е аут за натпреварот в сабота”, изјави Тен Хаг, кој не прецизираше точно за каква повреда на фудбалерот се работи.
