Нова повреда ги загрижи Микел Артета и Арсенал. Проблем има Каи Хаверц, кој се повреди за време на тренинг кампот на „топчиите“ во Дубаи.
Арсенал ја искористи паузата во Премиер – лигата за натпреварите од ФА Купот, каде тимот веќе го заврши својот настап, за да тренира во Дубаи. Сепак, за време на еден од тренинзите порано оваа недела, Каи Хаверц се повредил.
Германецот има проблем со тетивата, а нивото на повредата ќе биде соопштена од клубот по дополнителни прегледи.
Ова е уште еден удар за Артета, особено во нападот, бидејќи Букајо Сака, Габриел Жезус и Габриел Мартинели исто така се на лекување.
Следниот натпревар на Арсенал е на 15 февруари, кога ќе играат против Лестер.
