Продолжуваат возбудувањата на Светското првенство во фудбал во Катар. Денот ќе го отворат Тунис и Австралија (11 часот), а потоа сензацијата Саудиска Арабија ќе се обиде да го земе скалпот и на Левандовски и неговите соиграчи од Полска, откако на стартот ја шокираше Аргентина.
Во 17 часот, Франција ќе сака да ја заврши работата и да обезбеди осминафинале против Данска, а Аргентинците, кои дојдоа на СП со серија од 35 меча без пораз, во вечерниот термин ќе се сретнат со Мексико. И немаат право на нов кикс, едноставно мораат да победат за да се вратат во игра за пласман во нокаут фазата од Мундијалот.
