Нотингем Форест конечно дојде до здив. Aнглискиот премиерлигаш ја прекина негативната низа со триумф од 2-0 против Порто вo третото коло од Лигата на Европа.
Пред полните трибини на „Сити Граунд“, „шумарите“ одиграа цврсто, дисциплинирано и покажаа карактер. Обата гола паднаа од белата точка, Морган Гибс-Вајт и Хесус беа прецизни и ја потврдија првата европска победа на Форест сезонава.
Оваа вечер беше посебна и за Шон Дајш, кој дебитираше на клупата со триумф. Новиот менаџер донесе енергија, стабилност и — најважно — победa што може да го вратат тимот на вистинскиот пат.
Фрајбург рутински славеше со 2-0 против Утрехт, благодарение на головите на Сузуки и Грифо уште во првото полувреме.
Во Рим, пак, Рома продолжува со разочарувачки настапи во Европа. По поразот од Лил во претходното коло, „волчицата“ падна и пред својата публика — 1-2 против Викторија Плзен. Херои на Чесите беа Абу и Соаре, кои погодија во само две минути (20. и 22.), а Пауло Дибала само ги ублажи страдањата со гол од пенал.
Највозбудливо беше во Франција, каде што ПАОК направи вистинска сензација и го совлада Лил со 3-4 во спектакуларен натпревар со дури седум погодоци!
Селтик и Феенорд ги оправдаа улогите на фаворити и запишаа сигурни победи над Штурм и Панатинаикос пред својата публика.
