Европскиот првак Баерн Минхен со убедлива победа ја стартуваше одбраната на титулата во Лигата на шампионите. На „Алијанц арена“ настрада Атлетико Мадрид со 4-0. Кингсли Коман ги собра симпатиите со одличната игра, а капитенот Мануел Нојер успеа да ја сочува мрежата мирна и стигна до бројка за респект.
Мануел Нојер вечерва стигна до 200 натпревари во кариерата во кои успеал да не прими гол. 34-годишниот Нојер има 94 настапи за Шалке 04, потоа се пресели во Баерн Минхен чиј гол го чува веќе девет годибни. Бранеше на вкупно 253 натпревари за Баерн, а има и 94 настапи за германската фудбалска репрезентација.
