Ништо од Ангеловски, Дамбраускас е нов тренер на Хајдук Сплит

Хрватскиот прволигаш Хајдук Сплит го именуваше Валдас Дамбраускас за нов тренер. Тој потпиша договор до јуни 2024 година, информираат хрватските медиуми.

Раководството на Хајдук се реши да му ја довери клупата на Дамбраускас, иако меѓу најсериозните кандидати беше и поранешниот македонски селектор Игор Ангеловски.

Хајдук во моментот се наоѓа на четвртата позиција на табелата во првенството на Хрватска со 21 бод, шест помалку од Динамо Загреб, Ријека и од Осијек.