Македонскиот репрезентативец Бобан Николов и екс-репрезентативецот Леонард Жута со тимот на Лече ќе играат во плејофот за пласман во Серија А. Лече го освои четвртото место на табелата во Серија Б и продолжува во полуфиналето на плејофот за пополнување на местото во италијанската фудбалска лита.
Во денешното последно коло, Лече загуби на гостувањето кај новиот калчолигаш Емполи со 2-1. Николов беше стартер и играше до 78.минута кога му го отстапи местото на Мајер. Жута остана на клупата за резерви.
Покрај Лече, во полуфиналето на плејофот за пласман во Серија А ќе игра и Монца, идниот тим на Лука Станковски, фудбалерот на Работнички.
