Новиот сениорски репрезентативец на Македонија, Никола Серафимов, го постигна вториот гол за Залаегерсег во првенството на Унгарија. За жал, неговиот тим загуби од Хонвед со 1-3.
Никола Серафимов ја погоди мрежата на противникот во 74.минута, но тогаш Залаегерсег веќе губеше со три гола разлика. Претходно, Хонвед поведе убедливо со головите на Лукиќ, Хиди и Тамаш.
Сепак, Серафимов покажа дека е во одлична форма пред собирот на националниот тим за квалификациските натпревари против Ерменија, Исланд и против Романија.
