Фудбалерот на Атлетик Билбао, Нико Вилијамс, го продолжи договорот со клубот до 2027 година. Договорот на шпанскиот репрезентативец истекуваше во јуни 2024 година, па тоа ги поттикна гласините дека за 21-годишниот крилен напаѓач се заинтересирани Реал Мадрид и Барселона.
Каталонците беа многу упорни и сакаа да го доведат на лето без обештетување.
Во тимот на Атлетик Билбао, Нико Вилијамс игра заедно со неговиот постар брат Ињаки Вилијамс.
