Аргентинскиот интернационалец Пауло Дибала ќе го напушти Јувентус по завршувањето на сезоната. Тој и неговите агенти не можат да најдат заеднички јазик за нов договор со раководството на „старата дама“.
После денешниот состанок помеѓу агентите на Дибала и Јувентус донесена е конечна одлука двете страни да се разделат на крајот на сезоната. Немало приближување на двете позиции, па донесена е одлука Дибала да не го продолжи договорот.
Дибала веќе е слободен да преговара со други заинтересирани клубови, а најголем интерес за него покажуваат Интер, Атлетико Мадрид и Тотенхем.
