Бразилскиот ас Нејмар ќе остане во Пари Сен Жермен до 2027 година, тврди „Л’Екип“. Ова е договорено и претходно, а клаузулата ќе биде активирана на 1 јули. Според тој нов договор, Нејмар ќе остане на „Паркот на принцовите“ до 2027 година.
Доколку ПСЖ сака предвреме да го раскине овој нов договор, тогаш на Нејмар ќе треба да му исплати отштета од 130 милиони евра.
ПСЖ бара начин да се ослободи од Нејмар, постојат одредени преговори со Јувентус, но, сепак, италијанскиот клуб не е во можност да му исплаќа 40 милиони евра по сезона, колку што заработува Бразилецот во Париз.
