Се поизвесно е дека Пол Погба следното лето ќе го напушти Манчестер Јунајтед, а тоа ќе го направи како слободен играч откако ќе му истече договорот.
Францускиот играч за врска во моментов не е среќен на „Олд Трафорд“, добива се пожестоки критики за своите игри и сака промена во кариерата, а наводно знае и каде сака да се пресели.
Погба во претходниот период се поврзуваше со неколку клубови, меѓу кои и Реал Мадрид, но според италијанските медиуми тој му рекол на агентот Мино Раиола дека сака да се врати во Јувентус.
Погба беше во редовите на „старата дама“ од 2012 до 2016 година, кога се пресели во редовите на англискиот великан. Проблем може да биде платата бидејќи Французинот има дури 14 милиони евра годишно во Јунајтед, а тоа Јувентус не може да го плати.
